عمرو عبد الحق يكتب : قبلة الافعى

حرص الغرب بقيادة امريكا على تربية الافاعى الصغيرة بغرض استخدامها ضد اعدائها .. فى البداية كانت تربيهم فى البيت (وطنهم) وسرعان ما كبرت الافعى وبدأت فى ممارست تقوسها اليومية وهى الارهاب واللدغ دون تمييز .. وتفتق زهن الغرب فى استخدام الافاعى لحروب الوكالة حيث تم تصديرهم للأماكن التى تريدها امريكا غير مستقرة (الشرق الاوسط) لذلك ما نشهده الان على الساحة العالمية هو عالم الافاعى .. فالافاعى لا تتوقع منها اى خير ووجودها فى منزلك هو مصدر رعب مستمر فأمامك خيارين لتعيش مرعوب لتموت مسموم .. فحين تزور الليدى أشتون مصر كلاكيت ثالث مرة فى شهرين اعتبر البعض زيارتها هى زيارة قبلة الحياة للاخوان الذين يعيشون الان تحت جهاز التنفس الصناعى ، وانا لا اعتبر زيارتها هى قبلة الحياة بل هى قبلة الافعى .. للافعى .

  • تصريحات حزب النور بأنه لم يشارك فى فعاليات احتفلات حرب اكتوبر انا اتفهمها تماماً لان الفعاليات فيها السلام الجمهورى وهذا رجسٌ من عمل الموسيقار .. وايضاً فيها اغانى وطنية وطبعاً الغناء حرام الا اذا كان فى كاسيت العربية على الطريق الدائرى يبقى حلال (بركاتك يا شيخ على ونيس) .. كما ان من امتى حزب النور يشارك فى اى مظاهرات او فاعليات او ثورة طول عمره قبل الثورة كان على حطة ايد امن الدولة .. اما بعد الثورة فكان حاله كحال صاحب العربية العطلانة احنا نزق وهو يركب.
  • مازال الاخوان بيلعبوها بلدى وكل جمعة ورى جمعة خسارة ورى خسارة فقد غيروا شعارهم من لا تراجع قيد انملة .. الى لا تراجع قيد قنبلة.
  •  القرداوى وانا أنأى بنفسى ان اصفه بالشيخ قال الجيش انهزم 3/1 فى 48 ، 58 ، 67 وكسب فى 73 .. ياعم القرد هو انت بتتكلم على الجيش المصرى ولا نادى طلائع الجيش .. وكان رد بنت الخايب اقصد بنت الشاطر كمل جميلك ياشيخ وانزل حرر بلدك فى 6 اكتوبر .. ياريت يا اخت خديجة ينزل يحرر بلده قطر طبعاً .
  • يخطئ من يظن ان احتفال العام الماضى كان بمناسبة 6 اكتوبر 1973 ولكنه كان بمناسبة 6 اكتوبر 1981.
  • ياترى النياشين والاوسمة اللى اداها الريس مرسى للريس مرسى فى اول اسبوع حكم ليه فين دلوقتى .. لسه معاه ولا بدلها مع الراجل بتاع البسبوسة قصدى البط.